Dongeng Anak Patu Dan Keong Putih (Cerita Bahasa Siulak)

ANAK PATU DAN KEONG PADEK MANANDAI

Directed by : Zarmoni

Pado suatu ahi dak, ado anak kcik bajantan, biasonyo uhang suah lusun Jambu Alo maso itu ngimbaunyo tu dak anak Patu. Piyo dikato ka anak Patu? Kareno nyo agi kcik lah mati ndu nga apanyo. Apo gawenyo anak patu ini? Tiap ahi nyo masang lukah belut (Appliance Arrester of eel).  Anak Patu ini dak ambunnyo kusut kjang pulo samo nga ijuk, tai matonyo banyak, ingonyo bajulun, nyo kno cacin pulo, phut gdang kaki tangan kcik maklum dak maso itu nyado lun kalua Combantrin.

Uahng suah lusun Jambu Alo waktu itu dak di parintah nak Tuo Rajo, namonyo Rajo Mbuh Galo. Rajo Mbuh Galo ado nahu anak gadih kcik pulo glanyo Supik Jintan Permata Sari Gdang Uta. Uhengnyo nduk aii, yo nyan iluk ee, kulinnyo putih campu itam hehehe… kno panau ndan. (maaf Cuma nguta), kulinnyo Supik ini yo nian putih mulus, langsing ee, kalunyo tgak dak idak tabeda di kito mano Drom mano nyo. Trus, ambunnyo panjang (my heart craving) itam makilat pulo, matonyo sipit samo nga mato anak hang Jepang.

Pado suatu ahi, anak Patu ini banyaknyan muli blut, lalu dicucuknyo kak umput, dijinjeknyolah ahi kak lusun Jambu Alo. Cikau nga mli (waktu itu dak alat tukar menukar idak kipeng dah, tapi balibai nitun), ado nga nuka dingan breh payo, ado pulo nga nibai dingan pisang, pukoknyo macam-macam lah.

Jadi dak, banyak nyo nahu pamaken, ndih tabayang di aku, awak paso, tabayang pulo di cindu nduk Tarulun lik pasa sore sulak gdang hehehe…

Pindek kato, pindek carito , itulah gawenyo anak Patu ini.

Pado suatu ahi, waktunyo mangkin ka lukah dak sipuluh wah nyo masang, samilan wah dak nyado nyan lapat blut, tibo di lukah ngan suah dak alias lukah tarahir, tibo-tibo adonyo puli keong Mas lalem. “Nduk ai, ahi ini awak baharap nak nda pamaken, tapi nga lapat cuman keong, untuk apo kna nyo nak ini…. Keong jaek..” kato anak Patu, tapi tibo-tibo Keong itu manandai “Iheh… po ngato kanti nitun, awaknyan jaek ugo he” “Wacau… ini Keong nga manandai..?” anak Patu tilumpat he, “Iyo, aku nga manandai, po ngato ka aku jaek, awak nyan jaek ugo..!” kato keong pulo. “Mano pulo, gaya aku pada mpun..!” kato anak Patu same nekan pinggeng nyo..!” “Wa idak, mpun nyan phut mpun taclin kno cacin, tai mato samo gdeng nga tinju..!” kato keong maneh pulo. “Kurang aja keong tai… mati mpun.. prack.!!!”Anak Patu maneh pulo, go ditijak nyo keong tersebut dak, ancu keong alias matinyo.

Jadi cirito ini dak anak Patu idut sangsaro salamonyo. Cubo idak nyo bacekak nga keong itu, bulih mbuh samo nga cirito Latung Mak Karbit sla he, bulih mbuhnyo kayo anak Patu, tapi ni bacekaknyo, yo nyado jadi Kayo anak Patu. Itulah anak Patu Sengsara membawa Petaka. The End.